 |
| सीता सोहागो: चित्र साभार उमेश मण्डल |
- Gajendra Thakur हरित-कञ्च/ लाल-उज्जर ठोप/ हृदै संगोर
गुरुवार, 9 अगस्त 2012
मैथिली हाइकू (विकीपीडिया आ आन स्रोतसँ देल चित्रपर लिखल हाइकू)
रविवार, 22 जुलाई 2012
हाइकू
शीतल वायु , ल' एलै हरियाली , सावन भादो
भेल अन्हार ,आकाश करै हल्ला , इजोत संग
प्रसन्न इंद्र , दै छथि आइ पानि , बोझक बोझ
भरल खेत , हरियर कजली , सगरो कादो
भरि आँगन , छै सहसह चाली , जाएब कत'
दौड़ल छौड़ा , नैका पोकरि दिश , मारत माँछ
गरम चाह , छै सवहक प्रिय , एहि वर्षा मे
अमित मिश्र
हाइकू
हाइकू
आब की हेतै , उफानपर कोसी , टूटलै बान्ह
बाढिक पानि , खेतमे पसरल , डूबल धान
खसल कोठा , कते जन रहत , ऊँच मचान
केराक थम्ह , राख बालुक बोरा , रोक कटान
भासल लाश , माल-जाल लोकक ,फँसल प्राण
बरसै वर्षा ,खसि गेल ठनका , अदृश्य चान
टूटल आरि , धसि गेल धसना , पानिक गान
काँपैत रोआँ ,उजड़ल दुनियाँ , उड़ल प्राण
अमित मिश्र
आब की हेतै , उफानपर कोसी , टूटलै बान्ह
बाढिक पानि , खेतमे पसरल , डूबल धान
खसल कोठा , कते जन रहत , ऊँच मचान
केराक थम्ह , राख बालुक बोरा , रोक कटान
भासल लाश , माल-जाल लोकक ,फँसल प्राण
बरसै वर्षा ,खसि गेल ठनका , अदृश्य चान
टूटल आरि , धसि गेल धसना , पानिक गान
काँपैत रोआँ ,उजड़ल दुनियाँ , उड़ल प्राण
अमित मिश्र
शुक्रवार, 13 जुलाई 2012
हाइकू
सावन मास , लागल कारी मेघ , बाजल बेँग
झूकल डाँर , रोपै धानक बीया , जोन-मजूर
अचार रोटी , भेल पनिपियाइ , भरल मोन
भरल पेट , छै ठोर त'र खैनी , उसरै काज
सिहकै हवा , हरियाएल बाध , झूमैत खेत
सामा-चकेबा , खेलै सब बहिना , धानक बालि
तीला संक्राति , तीलबा गुड़लाई , नवका चूरा
अमित मिश्र
हाइकू
.jpg)
शांत पवन , भेल कारी आकाश , फाटतै मेघ
सून सड़क , घर दिश दौड़ल , थाकल लोक
मोटका बूँद , सड़कपर ढेह , भासल माटि
तारक गाछ . खसि गेल ठनका , जड़ल पात
एलै बिहाड़ि , टूटलै डाढ़ि-पात , फूटलै अण्डा
अमित मिश्र
हाइकू
पढ़ल लोक , जेठ दुपहरिया , घास छीलैए
मेघक बिनु , सावन मे देहसँ , घाम चूबैए
पानिक बिनु , छै फाटि गेल खेत , सक्कत माटि
अमित मिश्र
हाइकू
जंगल बीच , गरजैत झड़ना , निकलै गंगा
शोभै पहाड़ , सगरो हरियरी , गाछक अंगा
फूलक गंध , पराग पीबि भौँरा , मचेने दंगा
अमित मिश्र
सदस्यता लें
संदेश (Atom)