हाइकू आ शेनर्यू

१) फुला रहल /सिंगरहारो आब/ गेंदा गुलाबो


२) झुकल सीस/ धानक खेतमे गे /दाइ गे दाइ


३) दिवाली एलै /छठियो एतै आब /स्वागत सामा


४) नेता-दलाल/ सौंसे बाँटि रहल/ दंगा-फसाद


५) खुट्टे ध' नाचै/ गुम्मा कुकुर /अनेरे आब

सेनर्यू

प्रस्तुत अछि हमर किछु सेनर्यू------------------------

१) नेता-दलाल

सौंसे बाँटि रहल

दंगा-फसाद

२) जे पाइ देतै

भोट ओकरे देबै

चाहे जे करू

३) राजनीति छै

गिद्धम-गुड़कान

मानू नै मानू

४) तोड़ि रहल

मंदिर-मस्जिद ओ

लोक मरैए

५) संसद तँ छै

कोबर सन आब

नेता बर छै

हाइकू

१) जोतल खेत/ आ नीपल आँगन/ नीक लगैए

२) पानिमे माछ /छह-छह करैए /बंसी हसैए

३) नवका धान/ आ नवकी कनियाँ /अनमोल छै

४) लतरल छै/ लत्ती चारहि पर /तीमन लेल

५) खुना रहल /पोखरि आ इनार/ डुबहे लेल

६) भूत-प्रेत छै /इ देशक जनता /नेता कहैए

हाइकू

आधुनिक मैथिली साहित्य केर सभसँ बेसी नैसर्गिक आ प्रतिभावान आ मैथिलीक पहिल जन-कवि आ मैथिलीक भिखारी ठाकुर श्री रामदेव प्रसाद मण्‍डल ‘झारूदार’ जीकेँ समर्पित हमर ई किसानी हाइकू।

1) कोदारि लेने / खेतिहर अबैए / खेत हँसैए

2) फूँही पड़ैए / आब खेत-खेतमे /बेंग बजैए

3) आरिक संगे / खूब ढ़ूसि लड़ैए /खेतक पानि

4) बीआ पड़लै /खेत अँकुरा गेलै/ हरखित ओ

5) बसात एने/ सदिखन नचैए/ ओ सीना तानि

6) आएल बाढ़ि / डुबलै सीस धरि / आब की हेतै

7) ओ बेर-बेर / खूब छाती पिटैए / खूब कनैए

8) सरकार तँ /की जुलुम करैए /चुप्पे देखैए

9) खेतिहर तँ / सरकारक संगे /झुट्ठे बैसल

10) गरदनिमे / फाँसी लगा लेलकै /ओ खेतिहर

11) संसद चालू / अटल हो की लालू / हा-हा, ही-ही हू